Qazaqstanda koronavırýstyń «brıtandyq» shtamy anyqtalǵan joq – Erlan Qııasov

NUR-SULTAN. QazAqparat – Qazaqstanda koronavırýstyń «brıtandyq shtamy» anyqtalǵan joq. Bul týraly búgin QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Biz shtamdardy anyqtaý jumystaryn turaqty negizde júrgizip otyrmyz. Kúni keshe ǵana nátıjelerdi naqtylaý júrgizildi. Qazirgi ýaqytta olarǵa saraptama jasalyp jatyr. Qazaqstan aýmaǵynda anyqtaý jumystary júrgizilgen genotıpterdiń arasynda «brıtandyq» jáne «ońtústikafrıkalyq» shtamm anyqtalǵan joq», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.