Qazaqstanda koronavırýsty tekseretin zerthanalar shamasy qandaı

NUR-SULTAN. QazAqparat – PTR testileýden ótkizý táýligine 65 myńǵa deıin jetkizilmek. Bul týraly QR Densaýlyq saqtaý vıtse-mınıstri– QR Bas memlekettik sanıtar dárigeri Erlan Qııasov málim etti, dep habarlaıdy QazAqparat tilshisi.

«Bıylǵy sáýir aıynda PTR ádisimen COVID-19-ǵa testileý elimizde 28 zerthanada júrigizilip, táýligine 6 myń test jasalǵan edi. 14 qazandaǵy jaǵdaı boıynsha testileý 121 zerthanada júrgiziledi. Sonymen qatar, testileýdiń jalpy qýaty táýligine 45 myń zertteýden asady», - dedi vıtse-mınıstr Ortalyq kommýnıkatsııalar qyzmetinde.

Onyń sózine qaraǵanda, qazirgi kezde jańa zerthanalardy ashý sharalary atqarylýda. Sáıkesinshe, zerthanalardyń qýaty táýligine 65 myń zertteýge deıin jetkizilmek.