Qazaqstanda koronavırýsty qaıta juqtyrý tirkelmedi - mınıstr

NUR-SULTAN. QazAqparat – Densaýlyq saqtaý mınıstri Alekseı Tsoı oqýshylardy dástúrli bilim berý rejımine kóshirýge qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda «koronavırýs ınfektsııasyn qaıtadan juqtyrý faktileri tirkeldi me?» degen suraq qoıyldy.

«Qazirgi kezde osyndaı jaǵdaılar elimizde tirkelmedi. PTR zertteýdi qaıta júrgizý jaǵdaıy boldy, onda indetke qatysty oń nátıje kórsetilgen edi. Osy oraıda munyń bir bóligi qaıtadan kóringen vırýstyń bólshekteri ekenin baıqadyq. Jalpy, indetke adamdardyń qaıtadan shaldyǵýy oqıǵalary elimizde anyqtalmady», - dedi mınıstr.

Budan buryn habarlanǵandaı, álemde koronavırýsty qaıta juqtyrýdan keıingi alǵashqy ólim Nıderlandta tirkeldi.