Qazaqstanda koronavırýsty ekinshi ret juqtyrý jaǵdaıy tirkelgen joq – mınıstr
«Qazirgi ýaqytta bizde koronavırýsty ekinshi ret juqtyrý jaǵdaıy tirkelgen joq. Alaıda qaıtadan testten ótken kezde koronavırýs ınfektsııasy boıynsha oń nátıje kórsetken jaǵdaılar bar. Bizdiń ımmýnologtardyń aıtýynsha bul – bastapqy kezeńde koronavırýs juqtyrǵan patsıenttiń aǵzasynda qalyp qoıǵan vırýs qaldyǵy. ıAǵnı bul – qaldyq sıpatyndaǵy qubylys. Olar tek testte ekinshi ret kórinip turady. Onyń ústine aýrýdyń eshqandaı belgileri baıqalmaıdy», - dedi Alekseı Tsoı Ortalyq kommýnıkatsııalar qyzmetinde tilshilerdiń suraqtaryna jaýap bere otyryp.
Mınıstr elde osyǵan uqsas qandaı da bir jaǵdaı bolyp jatsa, habarlaýdy surady.
«Ondaı jaǵdaı bolsa, biz mindetti túrde tekseremiz. Biraq dál qazirgi jaǵdaıda ondaı jaǵdaı bolǵan emes», - dedi Alekseı Tsoı.