Qazaqstanda koronavırýsty adamdarǵa qasaqana juqtyrý tirkelgen joq – ІІM
ALMATY. QazAqparat - Qazaqstanda KVI adamdarǵa ádeıi juqtyrý faktisi tirkelgen joq, dep habarlaıdy QazAqparat tilshisi.
«Qazaqstan Respýblıkasynyń aýmaǵynda koronavırýs ınfektsııasyn qasaqana juqtyrý faktileri tirkelgen joq», - dep habarlady QR ІІM QazAqparat saýalyna jaýap retinde.
Mınıstrliktiń málimetinshe, eldegi karantın sharalaryn qamtamasyz etý úshin 10 053 polıtsııa qyzmetkeri jumyldyrylǵan.
Sońyǵy málimetke sáıkes, elde koronavırýsqa qatysty 99 442 jaǵdaı, COVID-19 belgisine uqsas 13 280 pnevmonııa anyqtaldy.
Buǵan deıin, Bas memlekettik sanıtar dárigeri Aıjan Esmaǵambetova karantın rejımin saqtamaǵan turǵyndar men kásipkerlerdiń qalaı jazalanatyny týraly aıtqan bolatyn.
