Qazaqstanda koronavırýstan ólim-jitim artyp barady - mınıstr

NUR-SULTAN. QazAqparat – Koronavırýs ınfektsııasynan ólim-jitimniń 57 paıyzy Nur-Sultan men Almaty qalarynda jáne Almaty oblysynda tirkelgen. Bul týraly búgin Úkimet otyrysynda QR Densaýlyq saqtaý mınıstri Aleseı Tsoı aıtty, dep habarlaıdy QazAqparat tilshisi.

Onyń atap ótýinshe, sáýir aıynyń ishinde elimizdegi epıdemıologııalyq ahýal kúrdelene túsken.

«Naýqastaný kórsetishiniń artýymen qatar ólim-jitim jaǵdaılarynyń da jıilep ketkeni baıqalady. Aqpannan bastap elimizde koronavırýstan qaıtys bolǵandar sany 1,4 esege artty. Buǵan qosa, ólim-jitimniń 57 paıyzy Nur-Sultan men Almaty qalarynda jáne Almaty oblysynda tirkelgen», - dedi Alekseı Tsoı.

Mınıstrdiń aıtýynsha, elimizde epıdemıologııalyq ahýaldyń ýshyǵýyna baılanysty táýliktik testileý sany 48 myńǵa deıin jetkizilgen. Bul elimizdiń jalpy táýliktik qýatynyń 41 paıyzyn quraıdy. Sonymen qatar Alekseı Tsoı oryn alǵan ahýalǵa baılanysty barlyq óńirler qosymsha shekteý is-sharalaryn qabyldap jatyr.

«Epıdemıologııalyq ahýaldyń nasharlaýyna baılanysty óńir ákimderi ahýalǵa turaqty monıtorıngti, jedel áreket etýdi jáne aldyn alý ári epıdemııaǵa qarsy is-sharalardy qamtamasyz etýi qajet», - dedi ol.