Qazaqstanda koronavırýstan ólim-jitim 2,7 ese azaıdy

NUR-SULTAN. QazAqparat – Qazaqstanda koronavırýstan ólim-jitim 2,7 ese azaıdy. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Qazaqstanda tamyz aıynyń ekinshi jartysynan bastap epıdemıologııalyq ahýaldyń turaqtanýy baıqalady, naýqastaný 3,2 esege, al ólim-jitim 2,7 esege tómendedi. Búginde 4 óńir «jasyl» aımaqta tur. Olar: Jambyl, Qyzylorda, Mańǵystaý jáne Túrkistan oblystary», - dedi mınıstr.

Onyń atap ótýinshe, elimizdiń 8 óńiri, atap aıtqanda Shymkent qalasy, Almaty, Atyraý, Aqtóbe, Qostanaı, Shyǵys Qazaqstan, Batys Qazaqstan jáne Solústik Qazaqstan oblystary «sary» aımaqqa kirdi.

«Qyzyl» aımaqta 5 óńir qalyp otyr. Reprodýktıvtilik sany 0,88-di quraıdy», - dedi Alekseı Tsoı.