Qazaqstanda koronavırýstan emdelip jatqan naýqastardyń 170-niń jaǵdaıy nashar – QR DSM

QR Densaýlyq saqtaý mınıstrliginiń Telegram arnasynda taratqan málimetine sáıkes, e mdelip jatqandar arasynda 139 sábı bar. Statsıonarlarda 5 507 naýqas jatyr. 20 405 adam ambýlatorııalyq jaǵdaıda emdelýde. Jalpy naýqastardyń arasynda 170 adamnyń ahýaly nashar. Sonyń ishinde 36 naýqastyń ahýaly óte aýyr dep baǵalanýda. 41 naýqas ókpeni jasandy jeldetý apparatynda jatyr. ⠀

«QR Densaýlyq saqtaý mınıstrligi budan bylaı táýliktik nátıjeler týraly aqparatty kún saıyn únemi úzbeı jarııalap otyrady. Barlyq málimet resmı saıtta jáne vedmostvanyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady. Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy brıfıngte habarlanady», -delingen mınıstrlik taratqan habarlamada.