Qazaqstanda koronavırýstan emdelip jatqan 177 naýqastyń jaǵdaıy óte aýyr
NUR-SULTAN. QazAqparat - 18 qazandaǵy aqparat boııynsha Qazaqstanda koronavırýs ınfektsııasyna shaldyqqan 52 825 adam em qabyldap jatyr, dep habarlaıdy QazAqparat QR Densaýlyq saqtaý mınıstrliniń Telegram kanalyna silteme jasap.
Emdelip jatqandardyń arasynda 9 329 adam statsıonarda jatyr, 43 496 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
• 628 adamnyń jaǵdaıy aýyr,
• 177 patsıenttiń jaǵdaıy óte aýyr,
• 104 naýqas jasandy tynys alý apparatynda jatyr.
