Qazaqstanda koronavırýstan 59 medıtsına qyzmetkeri kóz jumdy

NUR-SULTAN. QazAqparat – Densaýlyq saqtaý mınıstri Alekseı Tsoı koronavırýstan juqtyrǵan jáne osy indetten kóz jumǵan dárigerlerdiń týǵan-týystaryna ótemaqy berý máselesine qatysy suraqqa jaýap berdi, dep habarlaıdy QazAqparat tilshisi.

«Tizimdi biz aımaqtardan alyp, Eńbek jáne halyqty áleýmettik qorǵaý mınıstrligine joldadyq. Osy kúnge deıin jumys oryndarynda medıtsınalyq qyzmetkerlerdiń koronavırýs juqtyrýynyń 123 jaǵdaıy tirkeldi. Onyń ishinde 59 medıtsına qyzmetkeri kóz jumdy», - dedi Alekseı Tsoı OKQ-da ótken baspasóz máslıhatynda.

Mınıstrdiń aıtýynsha ótemaqy berý máselesin jaýapty uıym júrgizedi.

«Bizdiń mindet – tizimdi jınap, tapsyrý. Tizimnen bólek sol dárigerdiń naqty qaıda – úıinde álde jumysta juqtyrǵany qaralatyn epıdemıologııalyq karta bar. ıAǵnı naqty epıdanalız bar», - dedi ol.