Qazaqstanda koronavırýstan 3 naýqas qaıtys boldy
NUR-SULTAN. QazAqparat – Qazaqstanda koronavırýs ınfektsııasynan 3 adam kóz jumdy, dep habarlaıdy QazAqparat coronavirus2020.kz saıtyna silteme jasap.
7 maýsym kúni saǵat 22 30-daǵy málimet boıynsha, indetten Pavlodar oblysy - 1957 jyly týǵan er adam, Atyraý oblysy - 1948 jyly týǵan áıel, Qaraǵandy oblysy - 1963 jyly týǵan er adam qaıtys boldy.
«Ólim nátıjelerin zertteý jónindegi komıssııa bul jaǵdaılardy koronavırýs ınfektsııasynan bolǵan dep tirkeýge sheshim qabyldady», delingen aqparatta.
Aıta keteıik, Qazaqstan boıynsha koronavırýstan barlyǵy 52 adam qaıtys boldy.
