Qazaqstanda koronavırýspen kúreste psıhologııalyq kómek beretin saıt ashyldy

NUR-SULTAN. QazAqparat – Halyqqa psıhologııalyq kómek berý maqsatynda QR Densaýlyq saqtaý mınıstrligi Respýblıkalyq psıhıkalyq densaýlyq ǵylymı-praktıkalyq ortalyǵy (ıÝNISEF) covid-19.mentalcenter.kz saıtyn ashty, dep habarlaıdy QazAqparat tilshisi mınıstrliktiń resmı saıtyna silteme jasap.

«Atalǵan saıtta ózińizdi qyzyqtyratyn suraqtarǵa jaýap alyp, psıhologtyń nemese psıhoterapevttiń keńesin tyńdaı alasyz. Ol úshin aldyn ala ótinim qaldyrý kerek. Ótinim berýshige siltemesi bar SMS-habarlama keledi. Ol siltemege ótkennen keıin tıisti mamanmen belgilengen ýaqytta áńgimelesýge bolady», - dep jazylǵan Densaýlyq saqtaý mınıstrliginiń Telegram-arnasynda.

Atalǵan jobaǵa densaýlyq saqtaý, bilim berý, memlekettik jáne memlekettik emes sekorda eńbek etetin 50 maman tartylǵan. Joba arqyly koronavırýs ınfektsııasy taralǵan ýaqytta jergilikti jaǵdaı eskerilgen úzdik halyqaralyq psıhologııalyq kómek beriledi.