Qazaqstanda koronavırýspen qansha adam ekinshi ret aýyrdy

NUR-SULTAN. QazAqparat – Qazaqstanda koronavırýspen qansha adam ekinshi ret aýyrdy? Bul saýalǵa QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova jaýap berdi, dep habarlaıdy QazAqparat tilshisi.

«Qazirgi ýaqytta jańa shtamdardyń paıda bolýyn baılanysty koronavırýs ınfektsııasyn qaıtadan juqtyryp alý táýekeliniń joǵary ekendigine qatysty málimetter shyǵyp jatyr. Bizde ázirshe naqtylanǵan eki jaǵdaı bar. Klınıkalyq hattamaǵa qaıtadan juqtyrý jáne qandaı jaǵdaılar oǵan saı keletindigine qatysty túsinikteme engizildi. Aqparattyq baza zerdelenip jatyr. Mundaı árbir jaǵdaı mindetti túrde konsılıým arqyly naqtylanýy tıis», - dedi ol Ortalyq kommýnıkatsııalar qyzmetindegi baspasóz máslıhatynda.

Osy oraıda QR Densaýlyq saqtaý birinshi vıtse-mınıstri Marat Shoranov qazaqstandyq mamandar toby koronavırýstan keıingi asqyný máselelerin esepke alýǵa kirisip ketkendigin aıtty.