Qazaqstanda koronavırýspen aýyrǵandar sany 2 esege ósti

NUR-SULTAN. QazAqparat - Sońǵy 10 kúnde respýblıkada KVI juqtyrǵan 15 156 adam tirkeldi. Bul týraly Densaýlyq saqtaý mınıstri Alekseı Tsoı aıtty, dep habarlaıdy QazAqparat.

«Jalpy respýblıka boıynsha bıyl naýryz-sáýir aılarynda aýrýdyń naqty boljamy týra keldi. Sońǵy 10 kúnde respýblıkada KVI juqtyrǵan 15 156 adam tirkeldi, naýryzdyń basymen salystyrǵanda syrqattanýshylyq deńgeıi 2,0 ese ósti, ásirese, Almaty, Nur- Sultan qalalarynda, Almaty, Aqtóbe, Atyraý, Qaraǵandy, Batys Qazaqstan oblysynda naýqas sany kóp» , - dedi A.Tsoı QR Prezıdenti Qasym-Jomart Toqaevtyń tóraǵalyǵymen ótken koronavırýs ınfektsııasyna qarsy is-qımyl sharalary boıynsha keńeste.