Qazaqstanda koronavırýspen aýyrǵandar 3 esege jýyq ósti
COVID-19 taralýyna jol bermeý jónindegi vedomstvoaralyq komıssııanyń málimetinshe, 27 maýsymda syrqattanýshylyqtyń táýliktik ósýi 61 jaǵdaıdy qurasa, 5 shildede 187 derekke kóbeıdi.
«Aýrýshańdyq kórsetkishiniń joǵarylaý tendentsııasy revaktsınatsııa qarqynynyń tómendeýimen baılanysty. Koronavırýsqa qarsy múlde ekpe almaǵan turǵyndar qatary da az emes. Іndetke shaldyǵý jaǵdaılarynyń 80%-ǵa jýyǵy vaktsınatsııalanbaǵan nemese sońǵy ımmýnızatsııadan keıin 6 aıdan astam ýaqyt ótken adamdar úlesinde. Sanıtarlyq-epıdemıologııalyq baqylaý komıteti buǵan deıin azamattardyń revaktsınatsııadan ótýden bas tartýyna baılanysty syrqattanýshylyqtyń ósý qaýpi týraly eskertken bolatyn», - dep jazdy komıssııa.
Aıta keteıik, e l boıynsha barlyǵy 10,4 mln astam adam COVID-19 vırýsyna qarsy egildi. 4,8 mln adam qaıta vaktsınatsııalandy. Statıstıka kórsetip oytrǵandaı, revaktsınatsııa qarqyny 2 ese tómendegen.
Búgingi tańda elimizde vaktsınalardyń jetkilikti qory bar. Halyqty ımmýndaý otandyq QazVac, qytaılyq Vero Cell jáne amerıkandyq Pfizer preparattarymen júrgiziledi.
Epıdemıologııalyq ahýaldy baǵalaý matrıtsasyna sáıkes Almaty qalasy «sary» aımaqta. Qazir Ońtústik megapolıste syrqattanýshylyqtyń táýliktik ósimi 112 jaǵdaıdy quraıdy
