Qazaqstanda koronavırýspen aýyrǵan 25 naýqas ókpeni jasandy jeldetý apparatyna qosylǵan

NUR-SULTAN. QazAqparat – QR Densaýlyq saqtaý mınıstrligi 6 qarashadaǵy koronavırýs ınfektsııasymen aýyrǵandarǵa qatysty aqparatty jarııalady, dep habarlaıdy QazAqparat.

Qazirgi ýaqytta koronavırýs ınfektsııasynan 5 608 adam emdelip jatyr. Olardyń arasynda 340 bala bar. Statsıonarlarda 2 646 naýqas jatyr. 2 962 adam ambýlatorııada emdelip júr.
Jalpy naýqastardyń arasynda 155 adamnyń jaǵdaıy aýyr. Sonyń ishinde 22 naýqastyń jaǵdaıy asa qatty aýyr dep baǵalanyp otyr. 25 naýqas ókpeni jasandy jeldetý apparatyna qosylǵan.