Qazaqstanda koronavırýske shaldyǵý kórsetkishi 17 paıyzǵa tómendedi
NUR-SULTAN. QazAqparat – Qazaqstanda koronavırýske shaldyǵý kórsetkishi 17 paıyzǵa tómendedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Álemde koronavırýs ınfektsııasynyń 251 mln-nan astam jaǵdaıy, tirkeldi. Táýligine 400 myńnan astam jaǵdaı tirkelip jatyr. 5 mln-nan astam adam óldi. DDSU-nyń Eýropa óńiri málimetine sáıkes, sońǵy eki aptada 54 eldiń ishinde 40 memlekette aýrý ósimi baıqalady», - dedi mınıstr.
Onyń dereginshe, sońǵy 2 aptada Vengrııada aýrýshańdyq - 180, Polshada - 150, Avstrııada - 120, Germanııada 90 paıyzǵa artqan. Al aýrýdyń tómendeýi 14 elde baıqalady.
«Qazaqstanda sońǵy 2 aptada aýrýshańdyq 17 paıyzǵa tómendedi. Álemdik reıtıngke sáıkes, Qazaqstan 222 eldiń ishinde aýrýshańdyq kórsetkishi boıynsha 105-orynda, ólim-jitim kórsetkishi boıynsha 101 orynda tur», - dedi Alekseı Tsoı.
