Qazaqstanda koronavırýsqa shaldyǵýdyń aýyr jaǵdaılary artyp barady

NUR-SULTAN. QazAqparat - Qazaqstanda koronavırýsqa shaldyǵýdyń aýyr jaǵdaılary artyp barady. Bul týraly QR Densaýlyq saqtaý mınıstriniń mindetin atqarýshy Lázzat Aqtaeva aıtty, dep habarlaıdy QazAqparat tilshisi.

«Koronavırýsqa shaldyǵý ósimimen qatar pnevmonııanyń aýyr jaǵdaılarynyń sany da artyp kele jatyr. Eger naýryz-sáýirde jansaqtaý bólimshelerinde óte aýyr jaǵdaıdaǵy 30-35 patsıent bolsa, búginde reanımatsııa bólimshelerinde 125 patsıenttiń jatqandyǵyn aıta alamyz. Olardyń ishinde 2 patsıent ókpeni kstrakorporaldy oksıgenatsııalaý apparatyn qoldanyp jatyr. Bul aǵzany ottegimen qamtamasyz etýge múmkindik beretin joǵary tehnologııalyq qyzmet sanalady»,- dedi Lázzat Aqtaeva Ortalyq kommýnıkatsııalar qyzmetindegi brıfıng barysynda.

Buǵan deıin ol, dárigerler óte aýyr hálde jatqan 322 patsıenttiń betin beri qaratqanyn aıtqan edi.