Qazaqstanda koronavırýsqa qatysty qansha jaǵdaı tirkeldi

ASTANA. KAZINFORM – Elimizde koronavırýs ınfektsııasy boıynsha epıdemıologııalyq jaǵdaı turaqty.

Densaýlyq saqtaý mınıstrligi Sanıtarlyq-epıdemıologııalyq baqylaý komıteti ishtegi syrqattanýshylyq pen álemdegi epıdemıologııalyq jaǵdaıǵa apta saıyn monıtorıng júrgizip jatqanyn málimdedi.

– Jyl basynan beri COVID-19-dyń 859 jaǵdaıy tirkeldi. Ótken jyldyń osyndaı kezeńimen salystyrǵanda syrqattanýshylyq deńgeıi 2 esege tómendegen, ólim jaǵdaıy tirkelgen joq. Aýrý jeńil túrde ótip, patsıentter negizinen ambýlatorııalyq jaǵdaıda em qabyldap jatyr, - delingen habarlamada.

Qazaqstanda vırýstyń aınalymy men onyń ártúrli nusqalaryna toqsan saıyn monıtorıng júrgiziledi.

SARS-CoV-2 nusqalarynyń aınalymyna sońǵy monıtorıng derekteri boıynsha respýblıkada Omıkron qosalqy nusqalarynyń aınalymy belgilendi: XFG.3 – 83,3%, XFG.3.3.1 – 5,6%, XFG.3.4.3 – 5,6%, XFG.2 – 5,6%.

DDU-nyń resmı jarııalanymdaryna sáıkes, XFG jelisiniń aınalymy ózge aınalymdaǵy Omıkron urpaqtarymen salystyrǵanda halyqtyń densaýlyǵyna qosymsha qaýip tóndirmeıdi.

Aıta keteıik, DDSU pandemııa jaǵdaılarynda áreket etý týraly kelisimdi maquldady.

Onyń maqsaty — pandemııalardyń aldyn alý jáne bolashaqta týyndaıtyn osyndaı daǵdarystarǵa tıimdirek áreket etý úshin elder, halyqaralyq uıymdar (sonyń ishinde DDSU), azamattyq qoǵam, jekemenshik sektor men basqa da múddeli taraptar arasyndaǵy yntymaqtastyq pen ózara is-qımyldy kúsheıtý.