Qazaqstanda koronavırýsqa qarsy vaktsınanyń synaǵyna eriktiler tartylýda

NUR-SULTAN. QazAqparat – Koronavırýsqa qarsy vaktsına daıarlaýda otyndyq ǵalymdar eleýli jumystar atqarýda. Bul týraly Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Klınıkaǵa deıingi synaq sátti ótti. Tekserý sharalary barlyq derekterdiń tolyq jańǵyrtylýyn baıqatty. Antıdeneler boıynsha sheteldik balamaly zerttemelerden kem emes ekenin kórip otyrmyz. Sonymen qatar, gýmoraldy ári jasýshalyq ımmýnıtettiń damýyn baıqadyq, bul óz kezeginde mańyzdy bolyp sanalady», - dedi mınıstr Úkimet úıinde ótken baspasóz máslıhatynda.

Munymen qosa ol otandyq ǵalymdar óz erkimen ekpe salǵandaryn eske saldy.

«Bir aıdan astam ýaqyt ótti. Olar únemi baqylaýda bolady, sáıkesinshe analız tapsyrýda. Osy oraıda ózimizdiń vaktsınanyń nátıjeligi men tıimdiligin kórip turmyz», - dedi A. Aımaǵambetov.

Mınıstr qazirgi kezde qazaqstandyq ǵalymdar klınıkalyq synaqtyń tıisti kezeńine kirisip jatqanyn, eriktilerdi irikteý bastalǵanyn jetkizdi.