Qazaqstanda koronavırýsqa qarsy vaktsınany 9 479 958 adam saldyrdy

NUR-SULTAN. QazAqparat – Qazaqstanda koronavırýsqa qarsy vaktsınanyń 1 - shi komponentin 9 479 958 adam saldyrdy, dep habarlaıdy QazAqparat.

QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyndaǵy málimetterge qaraǵanda, koronavırýsqa qarsy vaktsınanyń 2 - shi komponentin 9 233 957 adam saldyrdy.

2022 jylǵy 24 sáýirdegi «Pfizer» vaktsınasynyń I-shi dozasyn 1 045 637 adam, ІІ-shi dozasyn 896 246 adam saldyrdy. Vatsınanyń І-shi komponentin saldyrǵandardyń 816 948-i jasóspirimder, 37 807-si júkti áıelder, 135 122-si bala emizetin áıelder.

ІІ-shi komponentin saldyrǵandardyń 740 331-i jasóspirimder, 32 840-y júkti áıelder, 117 731-i bala emizetin áıelder.