Qazaqstanda koronavırýsqa qarsy vaktsınany 2 056 768 adam saldyrdy
NUR-SULTAN. QazAqparat - 2021 jylǵy 27 mamyrdaǵy málimet boıynsha Qazaqstanda 2 056 768 adam vaktsına saldyrdy, dep habarlaıdy QazAqparat QR Densaýlyq saqtaý mınıstrliginiń Telegram kanalyna silteme jasap.
Sondaı-aq vaktsınanyń ekinshi komponentin saldyrǵandar sany 997 360-qa jetti.
Aıta keteıik, QR Premer-Mınıstri Asqar Mamın apta basynda elde vaktsınalaý jumystarynyń qarqynyn arttyrýdy typsyrdy.
«Vaktsına qorlaryn toltyrý, egý pýnktteriniń sanyn arttyrý boıynsha sharalar qabyldanyp jatyr. Vaktsınanyń bolý-bolmaýy boıynsha eshqandaı problema joq. Qazir egý naýqanyn keńeıtý pandemııamen kúresýde eń mańyzdy mindet bolyp tabylady. Densaýlyq saqtaý mınıstrligi men ákimdikterge vaktsınalaý qarqynyn arttyrýdy tapsyramyn», - dedi Asqar Mamın.
