Qazaqstanda koronavırýsqa qarsy vaktsınalardyń 14,4 mln dozasy salyndy

NUR-SULTAN. QazAqparat – QR Densaýlyq saqtaý mınıstri Alekseı Tsoı koronavırýsqa qarsy vaktsınatsııamen qamtýda kóshbasshy óńirlerdi atady, dep habarlaıdy QazAqparat tilshisi.

«Búgingi kúni vaktsınanyń 14,4 mln dozasy paıdalanyldy. Onyń ishinde 1-komponentpen 7 766 146 adam egildi, bul egilýge tıisti halyqtyń 77,9 paıyzyn quraıdy. Ekinshi komponentpen 6 756 266 adam (67,8%) qamtyldy. Bul egilýge tıisti halyqtyń 67,8 paıyzyna teń.

Koronavırýs ınfektsııasyna qarsy vaktsınatsııamen qamtýdyń kóshbasshylary: Shyǵys Qazaqstan, Túrkistan oblystary, Almaty jáne Shymkent qalalary», - dedi Alekseı Tsoı Ortalyq kommýnıkatsııalar qyzmetindegi baspasóz máslıhatynda.