Qazaqstanda koronavırýsqa qarsy vaktsına baǵasy qansha bolýy múmkin

NUR-SULTAN. QazAqparat – QR Densaýlyq saqtaý mınıstrliginiń resım ókili Baǵdat Qojahmetov koronavırýsqa qarsy vaktsınanyń baǵasy qaı somada bolýy múmkin ekenin aıtty, dep habarlaıdy QazAqparat tilshisi.

«Ózderińiz bilesizder, koronavırýsqa qarsy vaktsına áli daıyn emes. Oǵan áli birtalaı ýaqyt bar. Sáıkesinshe, bul vaktsınanyń baǵasy qandaı bolatyny belgisiz», - dedi resmı ókil Ortalyq kommýnıkatsııalar qyzmetinde.

Onyń sózine qaraǵanda, boljamdar boıynsha vaktsına quny tumaýǵa qarsy ekpeniń baǵasymen birdeı bolýy múmkin.

Qazaqstanda tumaýǵa qarsy vaktsına 2200 - 4500 teńge aralyǵynda bolatynyn budan buryn habarlaǵan edik.

Sondaı-aq aıta keteıik, búginde koronavırýs ınfektsııasyna qarsy «QazCovid-in» qazaqstandyq vaktsınasynyń klınıkalyq synaǵyna qatysýǵa 627 adamnan ótinim tústi.