Qazaqstanda koronavırýsqa qarsy vaktsına alǵandar sany belgili boldy

NUR-SULTAN. QazAqparat – QR Densaýlyq saqtaý vıtse-mınıstri Ajar Ǵınııat elimizde qansha adam KVI-ge qarsy vaktsına alǵanyn naqtylady, dep habarlaıdy QazAqparat tilshisi.

Ortalyq kommýnıkatsııalar qyzmetinde osy ýaqytqa deıin qansha adamǵa KVI-ge qarsy vaktsına salynǵany suraldy.

«Qazirgi kezde 22 myń adam vaktsına aldy», - dedi Ajar Ǵınııat.

Aıta keteıik, QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova óńirlerge vaktsınanyń ekinshi partııasyn jetkizý júrip jatqanyna, jalpy medıtsına qyzmetkerlerin vaktsınalaý jalǵasyp jatqanyn aıtty.

«Pedagogtardy vaktsınalaý da bastaldy. Búgin tańerteńgi jaǵdaı boıynsha 458 pedagokqa ekpe jasaldy», - dedi Aıjan Esmaǵambetova.

Budan bólek qazirgi kezde ol kúsh qurylymdarynyń 275 qyzmetkerine vaktsına jasalǵanyn naqtylady.

Budan buryn habarlanǵandaı, bıyl 6 mln adamǵa KVI-ge qarsy vaktsına salynady.