Qazaqstanda koronavırýsqa qarsy qansha adam egildi

NUR-SULTAN. QazAqparat – Elimizde 8,3 mln adam koronavırýs ınfektsııasyna qarsy tolyq egildi, dep habarlaıdy QazAqparat QR Densaýlyq saqtaý mınıstrligine silteme jasap.

17 jeltoqsandaǵy málimet boıynsha, Qazaqstanda koronavırýs indetine qarsy preparattardyń 1-shi komponentin 8 892 680 adam, 2-shi komponentin 8 351 485 adam saldyrdy.

Vaktsınanyń tolyq kýrsyn alǵan turǵyndar boıynsha aldyńǵy orynda Túrkistan oblysy tur – 1 012 834.

Odan keıin Almaty qalasy – 997 877 adam, Shyǵys Qazaqstan oblysy – 898 523, Almaty oblysy – 813 565, Shymkent qalasy – 559 343 tur.