Qazaqstanda koronavırýsqa qarsy vaktsına kimderge egilip jatyr
Qazaqstanda tumaýǵa jáne koronavırýsqa qarsy vaktsına egý jalǵasyp jatyr. Bul týraly Densaýlyq saqtaý mınıstrligi málim etti, dep habarlaıdy Kazinform.
«Elimizdiń barlyq aımaqtarynda halyqty tumaýǵa qarsy ımmýndaý jalǵasyp jatyr. Respýblıkada medıtsınalyq kómektiń kepildik berilgen kólemi aıasynda tumaýǵa qarsy ımmýndaý úshin Reseı Federatsııasynyń «NPO PetrovaksFarm» shyǵarǵan «GRIPPOL +» tumaýǵa qarsy vaktsınasy egilip jatyr», - delingen mınıstrliktiń Kazinform agenttigine bergen jaýabynda.
Sonymen qatar vedomstvo elimizde koronavırýsqa qarsy vaktsına salý qarastyrylǵanyn habarlady.
«Qazirgi kezde koronavırýs ınfektsııasyna qarsy ımmýndaý indettiń asqynýyna boldyrmaýǵa múmkindik beretini rastaldy. Munymen qosa, Dúnıejúzilik densaýlyq saqtaý uıymy KVI-di juqtyrý qaýpi joǵary adamdarǵa, medıtsına qyzmetkerlerine, KVI aýrýy kezinde táýekel tobyna jatatyn sozylmaly aýrýlary bar adamdarǵa jáne egde jastaǵy adamdarǵa koronavırýsqa qarsy revaktsınatsııalardy júrgizýdi jalǵastyrýdy usyndy. Bul turǵyda respýblıkada KVI-ǵa qarsy halyqty vaktsınatsııalaýdy jáne revaktsınatsııalaýdy uıymdastyrý ári iske asyrý jalǵasyp jatyr», - dep atalyp ótken Densaýlyq saqtaý mınıstrligi aqparatynda.
Atap aıtqanda, qazir birinshi doza 10,8 mln-nan astam adamǵa egildi. Bul rette, qamtylýy tıisti kontıngenttiń 81,2 paıyzyn qurady. 2-doza boıynsha 10,6 mln-nan astam adamǵa vaktsına salyndy.
«KVI-ge qarsy alǵashqy revaktsınatsııany 5,8 mln adam nemese qamtylýy tıis adamdardyń 71,2 paıyzy, qaıta revaktsınatsııany 1,5 mln adam nemese qamtylýy tıis turǵyndardyń 59,6 paıyzy aldy. Bıylǵy qazan aıynyń basyndaǵy jaǵdaı boıynsha KVI-ge qarsy vaktsınanyń 215 myń dozasy boldy (Vero cell (Sinopharm) – 149 myń, «Comirnaty orıgınal/Omicron BA.4/5» (Pfizer/BioNTech) – 66 myń)», - delingen mınıstrlik habarlamasynda.
Budan buryn habarlanǵandaı, bıyl qyrkúıek aıynda mınıstr Ajar Ǵınııat qarııalarǵa koronavırýsqa qarsy egilýge keńes berdi. https://kaz.inform.kz/news/ministr-giniyat-kariyalarga-koronaviruska-karsi-egluge-kenes-berd-cbf2ad/
Eldegi koronavırýstyń taralýy byltyrǵydan áldeqaıda tómen.
