Qazaqstanda koronavırýs juqtyrǵandardy emdeıtin statsıonarlar birtindep bosap jatyr
Ókpesiniń 40 paıyz zaqymdanýymen modýldik aýrýhanaǵa túsken 70 jastaǵy Sáýle Joldybaeva medıtsına qyzmetkerleriniń kómegimen dertine daýa taýyp, aýrýynan qulan taza aıyǵyp shyqty, dep habarlaıdy QazAqparat Sanıtarııalyq - epıdemıologııalyq baqylaý komıtetiniń baspasóz qyzmetine silteme jasap.
Al elimizdiń basqa óńirlerindegi ahýal qandaı?!
Túrkistan oblysynda koronavırýs ınfektsııasy boıynsha epıdemıologııalyq jaǵdaı turaqty. Óńirde ınfektsııalyq statsıonarlarda 809 tósek-oryn jasaqtalǵan, degenmen qazirgi ýaqytta barlyǵy bos, óıtkeni COVID-19 dıagnozymen aýyrǵan birde-bir naýqas joq.
Elimizdiń batys aımaǵyndaǵy aýrý juqtyrý kórsetkishteri de qalypty. Aqtóbe oblysynyń ınfektsııalyq statsıonarynda 5 naýqas emdelip jatyr, Batys Qazaqstan oblysynda-3, Mańǵystaý oblysynda - 6 naýqas em qabyldap jatyr.
Qyzylorda oblysynda 10 patsıent, Shymkentte – 12, Aqmola oblysynda – 14, Pavlodar men Qaraǵandy oblystarynda- 26, Nur-Sultanda- 30, Jambyl oblysynda – 35, Shyǵys Qazaqstan oblysynda – 40, Soltústik Qazaqstan oblysynda – 38, Almaty qalasynda - 49 adam statsıonarlyq em qabyldap jatyr. Emdelýshilerdiń eń kóbi Almaty oblysynyń kovıdtik aýrýhanalarynda jatyr – 88 naýqas.
Koronavırýs ınfektsııasynan qorǵanýdyń eń tıimdi joly – aýrýdyń aldyn alý.
«Eger árbir azamat ujymdyq ımmýnıtet qalyptastyrý úshin vaktsınatsııa qarqynyn tómendetpeı, revaktsınatsııadan ýaqytyly ótýdi jalǵastyratyn bolsa, aýrýhanalarynda birde-bir naýqas qalmaǵan Atyraý men Túrkistan oblystaryndaǵydaı jaǵdaı elimizdiń ózge de aımaqtarynda qalyptasýyna úles qosqan bolar edi.
