Qazaqstanda koronavırýs juqtyrǵan 259 adamnyń jaǵdaıy aýyr
NUR-SULTAN.QazAqparat – Qazaqstanda 2021 jyldyń 21 naýryzdaǵy jaǵdaı boıynsha, 20 912 adam koronovırýs ınfektsııasynan (17 654 KVI+ jáne 3 258 KVI-) emdelip jatyr.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Ondaǵy aqparattarǵa qaraǵanda, emdelip jatqandardyń ishinde 6 185 patsıent statsıonarda, 14 727 naýqas ambýlatorııalyq deńgeıde em qabyldap jatyr.
KVI+, KVI- shaldyqqandardyń arasynda:
• 259 adamnyń jaǵdaıy aýyr;
• 63 patsıenttiń jaǵdaıy óte aýyr;
• 37 naýqas ÓJJ apparatynda jatyr.
