Qazaqstanda koronavırýs vaktsınasynyń 2-komponentin 5,1 mln adam saldyrdy

NUR-SULTAN. QazAqparat – Elimizde koronavırýs vaktsınasyn saldyrýǵa qatysty 25 tamyzdaǵy málimet jarııalandy, dep habarlaıdy QazAqparat Densaýlyq saqtaý mınıstrligine silteme jasap.

«25 tamyzdaǵy málimet boıynsha Qazaqstanda vaktsınanyń I komponentin 6 448 802 adam saldyrdy, II komponentin 5 123 033 adam saldyrdy», delingen habarlamada.

Vaktsına saldyrǵandar sany boıynsha Almaty qalasy aldyńǵy orynda, qalada 848 468 turǵyn vaktsınanyń birinshi komponentin, 696 873 adam ekinshi komponentin saldyrǵan.

Ekpe alýdan ekinshi orynda - Túrkistan oblysy. Óńirde 725 705 adam koronavırýs vaktsınasynyń 1-komponentin, 550 219 adam 2-komponentin egilgen.

Úshinshi orynda Almaty oblysy – 651 279 adam ekpeniń birinshi bóligin alsa, 520 675 adam ekinshi bóligin qabyldaǵan.