Qazaqstanda koronavırýs tirkelgen joq – mınıstrlik

NUR-SULTAN. QazAqparat – QR Densaýlyq saqtaý mınıstrliginiń resmı ókili Dıas Ahmetshárip «Qazaqstanda koronavırýs ınfektsııasy tirkeldi» degen syńaıdaǵy alyp-qashpa áńgimelerge senbeýge shaqyrdy, dep habarlaıdy QazAqparat tilshisi.

«Keıingi kezde áleýmettik jeliler men WhatsApp messendjerinde kóptegen qaýeset tarap júr. Bir óńirde nemese qalada osyndaı naýqas adamdy aýrýhanaǵa jatqyzypty degen aqparat kóp. Ondaı qaýesetke senbeńizder. Bizde táýligine 24 saǵat, aptasyna 7 kún Ortalyq jedel shtab qyzmet etedi. Sol sebepti úreı týǵyzbas úshin bizdiń baspasóz ortalyǵyna habarlasýǵa bolady», - dedi ol búgin OKQ-da ótken baspasóz máslıhatynda.

Osy rette Dıas Ahmetshárip shyndyqqa janaspaıtyn aqparat taratý – ákimshilik jaýapkershilikke alyp keletinin eskertti.

«Sondyqtan biz Ortalyq jedel shtab arqyly barlyq resmı aqparatty taratyp otyramyz. Naýqas bizde joq (koronavırýs juqtyrǵan). Bas dárigerdiń qaýlysy boıynsha Qytaıda 6-20 aqpan aralyǵynda bolǵan azamattardyń barlyǵy karantınge jatqyzylady. ıAǵnı, aldyn alý sharalaryn kúsheıtip otyrmyz», - dedi ol.