Qazaqstanda koronavırýs ınfektsııasynyń taralý ındeksi 14 paıyzǵa tómendedi
«Pandemııa bastalǵaly beri álemde KVI-diń 210 mln-nan astam jaǵdaıy tirkelip,, 4 mıllıonnan astam adam qaıtys boldy. Bul delta shtamynyń keń taralýymen baılanysty. Dúnıejúzilik densaýlyq saqtaý uıymynyń málimetteri boıynsha shtamnyń bul túri álemniń 142-i elinde taralǵan. DDU alty óńiriniń tórteýinde shildeniń ekinshi jartysynda syrqattanýshylyqtyń ósýi baıqalǵany týraly málimdedi», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń dereginshe, Qazaqstanda 20 tamyzdaǵy jaǵdaı boıynsha COVID-19-tyń oń nátıjesimen 723 064 naýqas jáne KVI-diń teris nátıjesimen 67 141 jaǵdaı tirkelgen. KVI-men aýyratyn naýqastardyń shamamen 83 paıyzy, ıaǵnı onyń ishinde KVI-diń oń nátıjesimen 597 850 naýqas jáne KVI-diń teris nátıjesimen 57 455 naýqas saýyǵyp shyqty.
«Epıdemıologııalyq jaǵdaı matrıtsasyna sáıkes Qazaqstan Respýblıkasy jáne eldiń 16 óńiri qyzyl aımaqta ornalasqan. Jasyl aımaqta tek Túrkistan oblysy ǵana tur. Sońǵy úsh apta ishinde Qazaqstanda epıdemıologııalyq jaǵdaıdyń birtindep turaqtanýy baıqalady. Bir aptanyń ishinde ortasha eseppen 53 myńǵa jýyq jaǵdaı tirkelýde, osy aptanyń ótken 4 kúninde KVI-diń oń nátıjesimen 28 588 jaǵdaı jáne KVI-diń teris nátıjesimen 1 376 jaǵdaı tirkeldi», - dedi Alekseı Tsoı.
Mınıstrdiń atap ótýinshe, 1 tamyzdan bastap Qazaqstan Respýblıkasynda koronavırýs ınfektsııasynyń taralý ındeksi 1,11-den 0,97-ge, ıaǵnı 14 paıyzǵa tómendedi.
«Infektsııalyq tósek-orynmen qamtý – 52, reanımatsııalyq tósek-orynmen qamtý 48 paıyzdy quraıdy. Infektsııalyq tósek-oryndarynyń joǵary qamtylýy Aqtóbe oblysynda 77, Qyzylorda oblysynda 66, Almaty qalasynda 63, Almaty oblysynda 60 paıyz ekeni baıqalady», - dedi ol.
