Qazaqstanda koronavırýs ınfektsııasynan 3 461 adam em qabyldaýda
NUR-SULTAN. QazAqparat - Qazirgi ýaqytta koronavırýstyq ınfektsııadan 3 461 adam em qabyldaýdy jalǵastyrýda. Olardyń arasynda 313 bala bar, dep habarlaıdy QazAqparat QR Densaýlyq saqtaý mınıstrliginiń resmı saıtyna silteme jasap.
Statsıonarlarda 2 303 naýqas jatyr. 1 158 adam ambýlatorııalyq jaǵdaıda emdelýde. Jalpy naýqastardyń arasynda 135 adamnyń ahýaly nashar. Sonyń ishinde 9 naýqastyń ahýaly asa qatty aýyr dep baǵalanýda. 16 naýqas ókpeni jasandy jeldetý apparatynda jatyr.
QR Densaýlyq saqtaý mınıstrligi budan bylaı táýliktik nátıjeler týraly aqparatty úzbeı jarııalap otyrady. Barlyq málimet resmı saıtta jáne vedomstvonyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady.
Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy baspass brıfınginde habarlap turady.
