Qazaqstanda koronavırýs ınfektsııasynan 14 myńnan astam adam emdelip jatyr
NUR-SULTAN. QazAqparat – Qazaqstanda koronavırýs ınfektsııasynan 14 096 adam em qabyldap jatyr. Olardyń arasynda 1 010 bala bar, dep habarlaıdy QazAqparat Densaýlyq saqtaý mınıstrliginiń Telegram kanalyna silteme jasap.
Kanalda jarııalanǵan aqparattarǵa qaraǵanda, osy ýaqytta elimizdegi statsıonarlarda 3 687 naýqas jatyr, 10 409 adam ambýlatorııalyq jaǵdaıda emdelýde.
«Jalpy naýqastardyń arasynda 241 adamnyń densaýlyq jaǵdaıy nashar. Sonyń ishinde 39 naýqastyń jaǵdaıy aýyr dep baǵalanýda. 33 naýqas jasandy tynys alý apparatynda jatyr»,-delingen habarlamada.
