Qazaqstanda koronavırýs ınfektsııasyna shaldyqqan 674 adamnyń jaǵdaıy aýyr
NUR-SULTAN. QazAqparat - Qazaqstanda koronavırýs ınfektsııasyna shaldyqqan 674 adamnyń jaǵdaıy aýyr, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.
19 sáýirdegi málimet boıynsha, 38 620 adam koronovırýs ınfektsııasynan (38 218 KVI+ jáne 402 KVI-) emdelýde, olardyń ishinde 14 147 patsıent statsıonarda, 24 473 naýqas ambýlatorııalyq deńgeıde emdelip júr.
KVI+, KVI- shaldyqqandardyń arasynda:
• 674 adamnyń jaǵdaıy aýyr;
• 176 patsıenttiń jaǵdaıy óte aýyr;
• 99 naýqas ÓJJ apparatynda jatyr.
17 sáýirdegi málimet boıynsha COVID-19 belgileri bar pnevmonııamen 35 jańa syrqattanýshy tirkeldi, 1 jaǵdaı ólimmen aıaqtalǵan. 87 adam jazylyp shyqqan.
2020 jyldyń 1 tamyzynan bastap naýqastar sany – 51 879, ólim jaǵdaıy - 751, barlyǵy 50 726 adam saýyǵyp shyqty.
