Qazaqstanda koronavırýs ınfektsııasy taralmaý úshin qandaı sharalar qabyldandy

NUR-SULTAN. QazAqparat – Qazaqstan koronavırýs ınfektsııasynyń taralýyn boldyrmaý úshin birqatar sharalar qabyldady, dep habarlaıdy QazAqparat QR SІM baspasóz qyzmetine silteme jasap.

Qazaqstan Respýblıkasynyń aýmaǵynda koronavırýs ınfektsııasynyń taralýyn boldyrmaý úshin qabyldanǵan sharalar

1 «A» sanatyndaǵy elder úshin (Iran, Italııa, Qytaı, Koreıa) kelesi shekteýler engiziledi:

• atalǵan elderdiń azamattaryna jáne sońǵy 30 kún ishinde osy elderge barǵan adamdarǵa vızalardy berý jáne QR aýmaǵyna kirý ýaqytsha toqtatyldy.

Anyqtama:

1 sanattaǵy elderdiń aýmaǵynda turmaıtyn jáne osy memleketterge sońǵy 30 kún ishinde kelmegen tulǵalar úshin vızalardy resimdeýge jáne QR-ǵa kelýge shekteýler qoldanylmaıdy.

1 «A» sanatyndaǵy elderden qaıtyp oralǵan QR aýmaǵynda turatyn sheteldik azamattar turýǵa yqtııarhattyń negizinde jáne azamattyǵy joq adamdar Qazaqstanǵa kire alady jáne bul jaǵdaıda jergilikti organdarmen belgilengen úı-jaılarda oqshaýlanyp, 14 kún merzimge karantınge ornalastyrylady.

• turaqty avıareıster, jaıaý ótpe joldar, Qytaımen temir jol/avtomobıl jolaýshylar tasymaly toqtatyldy. Iranmen áýe qatynasy toqtatyldy.

Anyqtama:

Koreıadan «Almaty-Seýl-Almaty» baǵyty boıynsha aptasyna 2 ret «Eır-Astana» jáne «Azıana-Eırlaınz» áýekompanııalary ushady, al «Nur-Sultan-Seýl-Nur-Sultan» baǵyty boıynsha aptasyna 1 ret «Eır-Astana» áýekompanııasy ushady. «Eır-Astana» áýekompanııasy tek QR azamattaryn tasymaldaıdy.

• resmı jáne úkimettik delegatsııalardy, sondaı-aq qyzmettik jáne dıplomatııalyq tólqujattardyń ıelerin, avıakompanııalardyń ushqyshtary men ekıpaj, lokomotıv brıgadalarynyń múshelerin, temirjol kóliginde tasymaldaý qyzmetimen aınalysatyn adamdardy jáne júkterdi avtomobılmen halyqaralyq tasymaldaýdy júzege asyratyn júrgizýshilerdi qospaǵanda, 1 «A» sanatyndaǵy elderden kelgen, sol elderde sońǵy bolǵan sátinen bastap 14 kún ótpegen adamdar jergilikti organdar belgilegen úı-jaılarda oqshaýlana otyryp, 14 kún merzimge karantınge ornalastyrylady.

1 «B» sanatyndaǵy elder úshin (Germanııa, Ispanııa, Frantsııa):

• atalǵan elderdiń azamattaryna jáne sońǵy 30 kún ishinde osy elderge barǵan adamdarǵa vızalardy berý jáne Qazaqstan aýmaǵyna kirý ýaqytsha toqtatyldy.

Anyqtama:

1 sanattaǵy elderdiń aýmaǵynda turmaıtyn jáne osy memleketterge sońǵy 30 kún ishinde kelmegen tulǵalar úshin vızalardy resimdeýge jáne QR-ǵa kelýge shekteýler qoldanylmaıdy.

1 «B» sanatyndaǵy elderden kelgen QR aýmaǵynda turatyn sheteldik azamattar turýǵa yqtııarhattyń negizinde jáne azamattyǵy joq adamdar Qazaqstan Respýblıkasyna kire alady jáne bul jaǵdaıda úıde oqshaýlaýǵa ornalastyrylady.

• resmı jáne úkimettik delegatsııalardy, sondaı-aq qyzmettik jáne dıplomatııalyq tólqujattardyń ıelerin, avıakompanııalardyń ushqyshtary men ekıpaj, lokomotıv brıgadalarynyń múshelerin, temirjol kóliginde tasymaldaý qyzmetimen aınalysatyn adamdardy jáne júkterdi avtomobılmen halyqaralyq tasymaldaýdy júzege asyratyn júrgizýshilerdi qospaǵanda, 1 «B» sanatyndaǵy elderden kelgen, sol elderde sońǵy bolǵan sátinen bastap 14 kún ótpegen adamdar úıde oqshaýlaýǵa ornalastyrylady (QR DSM talaptaryna, sonyń ishinde halyq kóp jınalatyn oryndarǵa barmaı, úı karantınde bolý). Úıde oqshaýlaý erejeleriniń saqtalýyn baqylaý jáne keńes berýdi QR DSM qyzmetkerleri qońyraý shalý arqyly júrgizedi. Úıde oqshaýlaý úshin múmkindik bolmaǵan jaǵdaıda aýrýhanaǵa jatqyzylady.

• Resmı jáne úkimettik delegatsııalardyń músheleri, qyzmettik jáne dıplomatııalyq tólqujattardyń ıeleri, avıakompanııalardyń ushqyshtary men ekıpaj, lokomotıv brıgadalarynyń músheleri, temirjol kóliginde tasymaldaý qyzmetimen aınalysatyn adamdar jáne 1a) jáne 1b) sanatyndaǵy elderden júkterdi avtomobılmen halyqaralyq tasymaldaýdy júzege asyratyn júrgizýshiler 2-sanattaǵy sekilid qońyraý shalý arqyly turǵylyqty (kelgen) jeri boıynsha medıtsınalyq baqylaýǵa alynady;

2 sanattaǵy elder úshin (Ulybrıtanııa, Nıderlandy, Shveıtsarııa):

• 2 sanattaǵy elderden kelgen adamdardy QR shekarasynan ótken kúnnen bastap 14 kún boıy qońyraý shalý arqyly turǵylyqty jeri boıynsha Medıtsınalyq-sanıtarııalyq alǵashqy kómek kórsetý (MSAK) medıtsına qyzmetkeriniń baqylaýynda bolady.

3 sanattaǵy elder úshin (Belgııa, Úndistan, Irak, Norvegııa, AQSh, Fılıppın, Shvetsııa):

• QR Densaýlyq saqtaý mınıstrligi koronavırýstyq ınfektsııanyń taralýy boıynsha 3 sanattaǵy elderdegi epıdemıologııalyq jaǵdaıǵa monıtorıng júrgizedi.

Anyqtama:

3 sanattaǵy elderdiń aýmaǵynan kelgen adamdar arnaıy esepke alynyp, elde erkin júre beredi.

Qosylǵan : 12.03.2020, 19:00, Ózgertilgen : 12.03.2020, 19:00