Qazaqstanda koronavırýs ınfektsııasy tabylǵan joq - Eljan Birtanov

NUR-SULTAN. QazAqparat - QR Densaýlyq saqtaý mınıstri Eljan Birtanov koronavırýsqa qatysty jalǵan habarlar jóninde pikir bildirdi, dep habarlaıdy QazAqparat.

«Batys Qazaqstan, Shyǵys Qazaqstan oblystarynda, Semeı men Almatyda koronavırýs tirkeldi» degen aqparattar jalǵan. Biz Qytaıdan kelgen barlyq jolaýshylardy baqylaýda ustap otyrmyz. Dene qyzýy kóterilgender aýrýhanada jatyr. Ázirge, baqylaýdaǵy birde-bir patsıentte koronavırýs rastalǵan joq. Atalǵan habarlardyń barlyǵy - feık», - dedi E. Birtanov Ortalyq kommýnıkatsııalar qyzmetinde ótken brıfıngte.

Sonymen birge, mınıstr álemýettik jelide jalǵan habarlardyń kóptep shyǵyp jatqanyn atap ótti.

Aıta keteıik, 6 qańtardan keıin Qytaıdan kelgen 54 qazaqstandyq joǵary qyzýmen aýrýhanaǵa túsip, 16-sy emdelip shyqty.

Ázirge dúnıe júzinde koronavırýs juqtyrǵan 7 711 naýqas tirkeldi, 170 naýqas kóz jumdy. Sonymen birge, jalpy 17 memlekette 90 naýqas tirkeldi.