Qazaqstanda koronavırýs ınfektsııasy boıynsha epıdemıologııalyq jaǵdaı turaqty

NUR-SULTAN. QazAqparat – Qazaqstanda koronavırýs ınfektsııasy boıynsha epıdemıologııalyq jaǵdaı turaqty. Bul týraly Úkimet otyrysynda QR Densaýlyq saqtaý mınıstriniń mindetin atqarýshy Jandos Búrkitbaev aıtty, dep habarlaıdy QazAqparat tilshisi.

«Álemde aýrý deńgeıi ósýde, onyń ishinde sońǵy aıda aýrý Eýropada 11 paıyzǵa artqan. Tynyq muhıt óńirinde jáne Afrıkada 10 paıyzdy qurady. Dúnıejúzilik densaýlyq saqtaý uıymynyń derekteri boıynsha Eýropada sońǵy eki aptada 18 elde aýrý ósken. Onyń ishinde Ispanııada, Italııada - 97, Danııada – 89, Ulybrıtanııada, Portýgalııada – 69, Frantsııada 39 paıyzǵa artqan. Qazaqstanda sońǵy eki aptada aýrý 32 paıyzǵa tómendedi», - dedi ol.

Onyń atap ótýinshe, Qazaqstan Respýblıkasynda koronavırýs ınfektsııasy boıynsha epıdemıologııalyq jaǵdaı turaqty.

«Kún saıyn orta eseppen oń PTR testimen koronavırýs ınfektsııasynyń 500 jýyq jáne teris PTR testimen 50 jýyq jaǵdaıy tirkeledi», - dedi Jandos Búrkitbaev.