Qazaqstanda koronavırýs indetiniń alǵashqy faktisi qalaı anyqtaldy
«Qytaıda koronavırýs tarala bastaǵannan keıin-aq 6 qańtarda kúsheıtilgen sharalardy qolǵa aldyq. Qańtar aıynyń ortasyna taman polımerazdy tizbekti reaktsııa-dıagnostıkasy retseptin aldyq. Sonyń arqasynda koronavırýstyń jańa túrin anyqtaýǵa múmkindik boldy. Koronavırýs ınfektsııasyna shaldyǵý kúdigi bar naýqastardy teksere bastadyq», - dedi mınıstr zakon.kz portalynyń Instagram paraqshasynda bergen suhbatynda.
Onyń atap ótýinshe, qazirgi ýaqytta ókpe qabynýy jáne ókpe qabynýynyń aýyr formasyna dýshar bolǵan naýqastardyń barlyǵy tekserilip jatyr.
«Koronavırýs ınfektsııasyn juqtyrǵan naýqas naýryz aıynyń ortasynda osy toptyń ortasynan anyqtaldy. ıAǵnı, aqpan-naýryzda mundaı túsiniksiz vırýs ınfektsııasyn kezdestirmedik. Testileý jasaǵanymen koronavırýs tappadyq. Sanıtar dárigerdiń jańa qaýlysyn engizdik. JRVI-diń aýyr, ortasha aýyr formalaryna da koronavırýstyń jasyryn formalaryn anyqtaý úshin testileý júrgizemiz», - dedi Eljan Birtanov.
Osy rette ol Nur-Sultan men Almaty qalalarynda JRVI belgileri bar turǵyndardyń júginýi úshin arnaıy klınıka ashylǵanyn atap ótti. Atalǵan klınıkada dárigerler qajet bolǵan jaǵdaıda tıisti tekserý taǵaıyndaı alady.
«Tolyqtaı alǵanda, biz sapaly test qolymyzǵa túskennen keıin teksere bastadyq. Jańa koronavırýs tek 13 naýryzda ǵana anyqtaldy», - dedi mınıstr.