Qazaqstanda koronavırýs boıynsha testten ótýge mindetti adamdar sanatynyń tizimi keńeıtildi
«Eldegi ahýalǵa baılanysty 14 sáýirde karantın sharalaryn kúsheıtý boıynsha qaýly shyǵardym. Oǵan sáıkes aýrýhanalardyń bári de epıdemııaǵa qarsy kúsheıtilgen rejımge kóshedi. ıAǵnı, aýrýhanadaǵy ár patsıent – koronavırýs juqtyrǵan adam retinde kúdikke ilinedi. Medıtsınalyq uıymdar men aýrýhanalardyń barlyq qyzmetkerleri aýrýyna jáne dıagnozyna qaramastan patsıentterdi qabyldap, dıagnostıka júrgizedi. Sonymen qatar karantın jáne provızorlyq statsıonarlarǵa, ınfektsııalyq statsıonarlarǵa talap kúsheıtildi. Statsıonarlarda beınebaqylaý kameralary ornatylyp, tıisti jeldetý júıesi jolǵa qoıylýy tıis. Medıtsınalyq uıymdardyń ár aýysymy bir-birinen oqshaýlana júrýi kerek», - dedi Aıjan Esmaǵambetova OKQ-da onlaın rejımde ótken baspasóz máslıhatynda.
Memlekettik bas sanıtarlyq dárigerdiń aıtýynsha, medıtsınalyq uıymdarda personaldarǵa taza bólikten las bólikke (nemese kerisinshe) ótýge tyıym salynady.
«Bas dárigerlerdiń bári de jeke qaýipsizdik quraldarymen qamtamasyz etilýi kerek. Sonymen qatar dezınfektsııalyq rejımniń qatań saqtalýyn da qamtamasyz etý qajet. Medıtsına qyzmetkerleri de qyzmet babynda abaı bolyp, ınfektsııalyq qaýipsizdikti saqtaýy tıis», - dedi ol.
Aıjan Esmaǵambetova sonymen qatar testten ótýi tıis adamdar sanatynyń tizimi keńeıtilgenin jetkizdi.
«Qazirgi tańda júkti áıelder, júrek, qan tamyrlary, tynys joldary boıynsha sozylmaly aýrýy bar adamdar da koronavırýs ınfektsııasy boıynsha kúdikte bolmasa da testten ótýge mindetteledi», - dep túıdi Memlekettik bas sanıtarlyq dáriger.