Qazaqstanda Korgau123 platformasy ashyldy

ALMATY. QazAqparat - Qazaqstanda jynystyq zorlyqtyń aldyn alýǵa baǵyttalǵan Korgau123 platformasy ashyldy. Jańa resýrstyń múmkindikteri týraly uıymdastyrýshylar Qazaqstan baspasóz klýbynda ótken baspasóz máslıhatynda aıtty, dep habarlaıdy QazAqparat tilshisi.

«Daǵdarystar ortalyǵy» qoǵamynyń dırektory Zúlfııa Baızaqovanyń aıtýynsha, Qazaqstanda jumys ornynda jynystyq qatynasqa májbirleýdiń kez-kelgen túrine tosqaýyl qoıý kerek.

«Búginde jumyskerlerdiń 70 paıyzy jumys ornynda jynystyq májbirleýdiń kýási bolady. Al olardyń 3 protsenti ǵana sotqa júginedi», - dedi Zúlfııa Baısaqova.

Qazir mundaı qylmys jasaǵandar jazalanatyn QR QK 123-baby múlde jumys jasamaıdy. Atalǵan bap boıynsha 20 jyldan beri 25 úkim ǵana  shyǵarylǵan eken.

«Sońǵy 4 jylda birde-bir derek tirkelmegen. Jylyna 1 ret qana aıyptaý úkimi shyǵyp otyrǵan. Onyń sebebi, mundaı ister jeke isterge jatady. Japa shekken adam ózi sotqa júginýi tıis bolady. Qazir bizde mundaı qylmys jasaǵandar eń joǵary alǵanda 1 jylǵa bas bostandyǵynan aırylady. Bul jazany aýyrlatý kerek», - dedi zańger Djohar Ótebekov.

Búginde birqatar medıa men bıznes qaýymdastyqtar, kompanııalar birigip Korgau123 platformasyn qurmaq.

Aqparattyq resýrsta barlyq qajetti málimetter, mamandarmen suhbattar, vıdeooqıǵalar, zańnamalyq keńester beriledi.

«Birinshiden, adam ózine qatysty qylmys jasalyp jatqanyn túsinýi kerek. Ekinshiden, Daǵdarys ortalyǵy arqyly dálel jınap, sotqa júginýi tıis. Portal osy maqsatta ashyldy», - dedi qoǵamdyq qor dırektory Álııa Qadyralıeva.