Qazaqstanda Qorǵanys jáne aeroǵarysh ónerkásibi mınıstrligi quryldy
***
Qazaqstan Respýblıkasynyń Qorǵanys jáne aeroǵarysh ónerkásibi mınıstrligin qurý týraly
Qazaqstan Respýblıkasy Konstıtýtsııasynyń 44-babynyń 3) tarmaqshasyna sáıkes memlekettik basqarý júıesin jańǵyrtý jáne onyń tıimdiligin arttyrý maqsatynda QAÝLY ETEMІN:
1. Qazaqstan Respýblıkasynyń Qorǵanys jáne aeroǵarysh ónerkásibi mınıstrligi (budan ári - Mınıstrlik) qurylsyn.
Qorǵanys, aeroǵarysh ónerkásibi jáne elektrondyq ónerkásip, aqparattandyrý jáne baılanys salasyndaǵy aqparattyq qaýipsizdik (kıberqaýipsizdik), jumyldyrý daıarlyǵy jáne jumyldyrý salasyndaǵy memlekettik saıasatty iske asyrý, memlekettik materıaldyq rezervti qalyptastyrý jáne damytý, biryńǵaı áskerı-tehnıkalyq saıasatty jáne áskerı-tehnıkalyq yntymaqtastyqty júrgizýge qatysý, qorǵanystyq tapsyrysty qalyptastyrý, ornalastyrý jáne oryndaý salasyndaǵy basshylyq Mınıstrlik qyzmetiniń negizgi baǵyttary bolyp aıqyndalsyn.
Jańadan qurylǵan Mınıstrlikke:
Qazaqstan Respýblıkasynyń Qorǵanys mınıstrliginen - qorǵanys ónerkásibi salasyndaǵy;
Qazaqstan Respýblıkasynyń Investıtsııalar jáne damý mınıstrliginen - ǵarysh qyzmeti salasyndaǵy;
Qazaqstan Respýblıkasynyń Ulttyq ekonomıka mınıstrliginen - jumyldyrý daıarlyǵy jáne jumyldyrý, memlekettik materıaldyq rezervti qalyptastyrý jáne damytý salasyndaǵy;
Qazaqstan Respýblıkasy Premer-Mınıstriniń Keńsesinen - aqparattyq qaýipsizdikti qamtamasyz etý jáne Qazaqstan Respýblıkasynyń Aqparat jáne kommýnıkatsııalar mınıstrliginen aqparattandyrý jáne baılanys salasyndaǵy aqparattyq qaýipsizdikti qamtamasyz etý salasyndaǵy fýnktsııalar men ókilettikter berilsin.
2. Qazaqstan Respýblıkasynyń Úkimeti:
1) Qazaqstan Respýblıkasynyń Qorǵanys jáne aeroǵarysh ónerkásibi mınıstrliginiń Aqparattyq qaýipsizdik komıtetin, Aeroǵarysh komıtetin jáne Memlekettik materıaldyq rezervter komıtetin qurýdy;
2) osy Jarlyqtan týyndaıtyn ózge de sharalar qabyldaýdy qamtamasyz etsin.
3. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı tolyqtyrý engizilsin:
1-tarmaqta:
«Qazaqstan Respýblıkasynyń Qorǵanys mınıstrligi;» degen joldan keıin mynadaı mazmundaǵy jolmen tolyqtyrylsyn:
«Qazaqstan Respýblıkasynyń Qorǵanys jáne aeroǵarysh ónerkásibi mınıstrligi;».
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2016 jylǵy 6 qazan
№ 350
