Qazaqstanda koreı fılmderiniń festıvali ótedi

NUR-SULTAN. QazAqparat – 2021 jylǵy 21-25 sáýir aralyǵynda koreı fılmderiniń onlaın festıvali ótedi. Іs-sharany Koreıa Respýblıkasy Elshiliginiń Koreı mádenı ortalyǵy uıymdastyrady, dep habarlaıdy QazAqparat.

Bes kúnge jalǵasatyn atalǵan is-shara aıasynda Koreı mádenı ortalyǵynyń resmı saıtynda tanymal koreı rejısseri Pon Djýnhonyń «Parazıtter» fılmi kórsetiledi.

Aıta keteıik, «Parazıtter» trıller elementteri bar komedııalyq-dramalyq fılmi Oskardyń 6 nomınatsııasyna ilingen edi.

Nátıjesinde, 2020 jyly shyǵarmashylyq top «Úzdik fılm», «Úzdik rejısserlik jumys», «Úzdik túpnusqa stsenarıı», «Shet tilindegi úzdik fılm» nomınatsııalardynda 4 músinsheni ıelendi.

Festıvaldiń maqsaty – Qazaqstan halqyn koreı kınematografy salasymen jaqyn tanystyrý.

«Biz pandemııaǵa qatysty ahýal barynsha jyldam jaqsarǵanyn tileımiz. Bıyl mańyzdy data, ıaǵnı Qazaqstan Táýelsizdiginiń 30 jyldyǵy aıasynda túrli is-sharalar eskerilgen. Jalpy, Qazaqstan men Koreıa Respýblıkasy arasyndaǵy mádenıet salasyndaǵy baılanystar túrli is-sharalar arqasynda jandanady dep senemiz. Bul turǵyda eki el halqynyń tereń ózara túsinistigine yqpal etetin bolady», - dedi Koreı mádenı ortalyǵynyń dırektory Lı Heran.