Qazaqstanda kóppáterli turǵyn úı qoryn basqarý jáne kútip ustaýdyń jańa tujyrymdamasy ázirlendi
ASTANA. 9 jeltoqsan. QazAqparat - Qazaqstanda kóppáterli turǵyn úı qoryn basqarý jáne kútip ustaýdyń jańa tujyrymdamasy ázirlendi. Bul týraly búgin elordada ótip jatqan «Turǵyn úı-kommýnaldyq sharýashylyǵyn jańǵyrtý baǵdarlamasy: Suraq, jaýap jáne nusqaýlar» atty respýblıkalyq konferentsııada Qazaqstannyń turǵyn úı-kommýnaldyq sharýashylyǵy men qurylysy ulttyq palatasynyń basqarma tóraǵasy Tóleýtaı Rahymbekov aıtty.
«Tujyrymdama, eń birinshiden, Shyǵys Eýropa elderiniń, onyń ishinde Polsha, Slovakııa, Shyǵys Germanııanyń, sonymen qatar Baltyq elderiniń turǵyn úı-kommýnaldyq sharýashylyǵyn jańǵyrtýdaǵy jemisti tájirıbesin tereń taldaýǵa, ekinshiden Qazaqstan óńirlerindegi úılerdi jańǵyrtýdyń oń úlgileri málimetterine negizdelgen», - dedi ol.
Basqarma tóraǵasynyń atap ótýinshe, sheteldik memleketterdiń basym bóligi, máselen, Frantsııa, Nıderlandy, Kanada, Polsha, AQSh, Slovakııa, Chehııa, Meksıka, Sıngapýr, Malaızııa syndy elder turǵyn úı-kommýnaldyq sharýashylyq salasyn basqarýdy kásipkerlik qyzmettiń jeke bir salasy retinde qarastyrady. ıAǵnı, turǵyn úı-kommýnaldyq qyzmetter naryǵy basqarýshy kompanııalarǵa belgili talaptar júkteıdi. Al ony oryndamaý kompanııanyń básekege qabiletsizdigin bildiredi. Bul baǵyttaǵy tájirıbe elimizde de bar. Máselen, ótken jyly elordada Kúıshi Dına kóshesindegi 37-shi úıdi jóndeý jobasy júzege asyryldy. Atalǵan jobany júzege asyrý barysynda eki maqsat, atap aıtqanda, basqarýdyń jańa modelin qalyptastyrý jáne termojańǵyrtý elementterimen úıge jóndeý jumystaryn júrgizý kózdelgen edi.
«Baqsarýshy kompanııanyń qurylǵandyǵyn ári tıimdi jumys istep jatqandyǵyn málimdeı alamyn. Qazirgi kúni turǵyndar jylýǵa 40-60 paıyz, al ystyq sýmen jabdyqtaýǵa 18-20 paıyz az tóleıdi», - T.Rahymbekov.
