Qazaqstanda kópir urlaǵan adam sottaldy
AQTAÝ. QazAqparat - Jańaózen qalalyq sotynda kópir urlaǵan azamattyń isi qaraldy, dep habarlaıdy QazAqparat Mańǵystaý oblystyń sotynyń saıtyna silteme jasap.
Sotta anyqtalǵandaı, ury Jańaózen qalasyndaǵy temirjol beketiniń №13 órt sóndirý bóliminiń kúzetiletin aımaǵyndaǵy kópirdi júk kóligine tıep, oqıǵa ornynan izin sýytqan.
Uzyndyǵy - 14 eni men bıiktigi 2 metr, jalpy salmaǵy 12 tonna tartatyn kópir «Qazaqstan temir jolyna» tıesili bolǵan.
Osylaısha B. atalmysh mekemege 708 750 teńge materıaldyq zalal keltirgen.
Jańaózen qalalyq sotynyń úkimimen B.QR Qylmystyq kodeksiniń 188-babynyń 1-bóligimen kináli dep tanylyp, oǵan 505000 teńge aıyppul jazasy taǵaıyndaldy. Urlanǵan kópir mekemege qaıtaryldy.
Úkim zańdy kúshine engen joq.
