Qazaqstanda kópbalaly analarǵa jumys pen bala tárbıesin birge alyp júrýge múmkindik beretin jaǵdaılar jasalady
ASTANA. 13 shilde. QazAqparat - Kópbalaly otbasylarǵa otbasylyq mindettemelerin óndiristegi belsendi jumyspen úılestirýge múmkindik beretin usynystar ázirlenedi.
Bul týraly búgin Úkimet otyrysynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti.
«Memleket basshysynyń tapsyrmasyna sáıkes bıylǵy jyldyń qyrkúıegine deıin otbasylyq mindettemelerin óndiristegi belsendi jumyspen úılestirýge múmkindik beretin kópbalaly otbasylardy áleýmettik qoldaý sharalaryn keńeıtý jóninde usynystar ázirelenetin bolady», - dedi G.Ábdihalyqova.
Mınıstrdiń atap ótýinshe, buǵan qosa, arnaýly áleýmettik qyzmet kórsetý júıesine reforma júrgizý óz jalǵasyn tabady. «Ótken jyly álemettik qyzmet kórsetý júıesin reformalaýdyń birinshi kezeńi aıaqtalǵan bolatyn. Nátıjesine qajetti standarttar ázirlenip, jańa arnaýly áleýmettik qyzmet kórsetýdiń balamaly nysandary engizildi», - dedi ol.
Onyń atap ótýinshe, 2012-2014 jyldarǵa arnalǵan ekinshi kezeńde iri statsıonarlardy ońtaılandyrý jáne shaǵyn keshendi uıymdar jelisin damytý jumystary júrgiziledi. Qyzmet naryǵynda básekege qabiletti orta qalyptastyrý jáne memlekettik-jeke áriptestikti damytý sharalary qabyldanady.
