Qazaqstanda konteınerlik tasymal kólemi arta tústi
ASTANA. KAZINFORM — Qazaqstanda konteınerlik tasymal kólemi turaqty ósim kórsetip otyr. Byltyrǵy jyldyń qorytyndysy boıynsha konteınermen tasymaldanǵan júk kólemi 2203 myń JFE-ge deıin ósken. Bul týraly Kólik mınıstrligi málim etti.
Al 2024 jyly bul kórsetkish 2115 myń JFE quraǵan. Osy kezeńde konteınerlendirý deńgeıi 6,7%-dan 8%-ǵa deıin artty.
Ósim 2026 jyly da jalǵasyp otyr. 2026 jyldyń qańtar–sáýir aılarynda konteınerlik tasymal kólemi 742 myń JFE-ni qurady. Al 2025 jyldyń osy kezeńinde bul kórsetkish 709 myń JFE bolǵan. Konteınerlendirý deńgeıi 8,2%-dan 8,5%-ǵa deıin ósti.
— Oń dınamıka eksporttyq, ımporttyq jáne ásirese tranzıttik konteınerlik tasymal kóleminiń artýymen baılanysty. Bul Qazaqstanda zamanaýı logıstıkalyq formattardyń damyp kele jatqanyn jáne eldiń tranzıttik áleýetiniń nyǵaıyp jatqanyn kórsetedi, — delingen habarlamada.
Memleket basshysynyń 2025 jylǵy 8 qyrkúıektegi Joldaýyn iske asyrý aıasynda konteınerlik jáne mýltımodaldy tasymaldy damytýǵa baǵyttalǵan baǵdarlamalyq qujat qabyldaý josparlanǵan.
Qujatta termınaldyq ınfraqurylymdy damytý, tsıfrlyq servısterdi keńeıtý, kedendik jáne tehnologııalyq rásimderdi jeńildetý, sondaı-aq konteınerlik operatsııalardy basqarýdyń biryńǵaı júıesin qalyptastyrý boıynsha sharalar qarastyrylǵan.
Josparlanǵan sharalardy iske asyrý konteınerlendirý deńgeıin arttyrýǵa, logıstıkalyq protsesterdiń tıimdiligin kúsheıtýge jáne Qazaqstannyń óńirdegi iri kólik-logıstıkalyq hab retindegi pozıtsııasyn nyǵaıtýǵa múmkindik beredi.
Aıta keteıik, Qazaqstan tranzıttik áleýetin arttyrýǵa basymdyq bermek.
