Qazaqstanda Konstıtýtsııa kúni HQKO-lar jumys istemeıdi
ASTANA. KAZINFORM — 30 tamyz – Konstıtýtsııa kúnin merekeleýge baılanysty Qazaqstanda halyqqa qyzmet kórsetý ortalyqtary, sonymen qatar mamandandyrylǵan ortalyqtar jumys istemeıdi.
«Azamattarǵa arnalǵan úkimet» memlekettik korporatsııasy» KEAQ BQO fılıalynan málim etkenindeı, 31 tamyzda kezekshi HQKO men mamandandyrylǵan HQKO-lar qyzmet kórsetedi. Jumys ýaqyty saǵat 9.00-den 13.00-ge deıin.
«Dúısenbi, 2 qyrkúıekten bastap ortalyqtar azamattardy ádettegi kestege sáıkes saǵat 9.00-den 18.00-ge deıingi aralyqta, kezekshi HQKO-lar 20.00-ge deıin qabyldaıdy. Al mamandandyrylǵan HQKO-lar jumys kúnderi saǵat 18.00-ge deıin, senbi kúnderi kezekshi mamandandyrylǵan ortalyqtar saǵat 9.00-13.00 aralyǵynda jumys isteıtin bolady», dep habarlady vedomstvodan.
Eske sala keteıik, budan buryn nesıesin tóleý kezinde qıyndyqqa tap bolǵan BQO turǵyny ózin ólgender tiziminen tapqanyn jazǵan bolatynbyz.
