Qazaqstanda Kongo-Qyrym qandy bezgegine shaldyǵýdyń aldyn alý is-sharalary bastaldy

Bul aqparatty QR Densaýlyq saqtaý mınıstrliginiń baspasóz qyzmeti taratyp otyr.

Aǵymdaǵy jyly kenege qarsy zalalsyzdandyrý júrgizýge 614,5 mln. teńge bólindi.

1 sáýirden bastap profılaktıkalyq is-sharalardyń iske asyrylýyna apta saıynǵy monıtorıngi júrgiziledi.

«Osyǵan baılanysty azamattarǵa, KQQB-nyń aldyn alýdyń mynadaı negizgi sharalaryn eske salǵymyz keledi: tabıǵatta bolǵan kezde, mindetti túrde arnaıy kıimdi paıdalanyńyz, shalbardyń balaǵyn shulyqtyń ishine salyńyz, jeńniń jáne jaǵanyń túımelerin taǵyńyz, bul keneniń shaǵýyn boldyrmaýǵa kómektesedi;  eger shaqqan keneni anyqtaǵan bolsańyz, dárigerlik kómekke júginińiz, bul KQQB aýrýynan aman qalýdyń kepili», - delingen vedomstvo aqparatynda.

Dúnıejúzilik densaýlyq saqtaý uıymy Qazaqstandy bezgek aýrýynan erkin el dep tanydy. Bul sheshimdi málimdegen DDU-nyń Bas dırektory Margaret Chen Qazaqstannyń bezgek aýrýynan erkin ulttyq aýmaǵyn ustap turýdaǵy jetistigin jáne respýblıka Úkimetiniń ustanymyn joǵary baǵalady.