Qazaqstanda Kongo-Qyrym gemorragııalyq bezgegi boıynsha epıdemıologııalyq jaǵdaı turaqty
ASTANA. 9 shilde. QazAqparat - Respýblıkanyń sanıtarııalyq-epıdemıologııalyq qyzmet organdary men uıymdary júrgizgen profılaktıkalyq is-sharalar nátıjesinde Kongo-Qyrym gemorragııalyq qyzbasy (KQGQ) boıynsha epıdemıologııalyq jaǵdaı turaqty. Búgingi kúni respýblıkada KQGQ-nyń 3 jaǵdaıy tirkeldi (OQO - 2, Qyzylorda oblysy - 1). Ótken jyldyń uqsas kezeńinde 9 jaǵdaı tirkelgen edi.
«QR Densaýlyq saqtaý mınıstrligi KQGQ boıynsha qolaısyz oblystarda (Jambyl, Ońtústik Qazaqstan jáne Qyzylorda) kenege qarsy is-sharalardyń iske asyrylýy barysyna apta saıyn monıtorıng júrgizýdi jalǵastyrýda.
Kene shaqqanyna shaǵymdanǵan adamdardyń barlyǵy medıtsınalyq baqylaýǵa alyndy, olarda klınıkalyq belgiler (dene qyzýynyń kóterilýi) baıqalǵan jaǵdaıda tekserý jáne profılaktıkalyq emdeý júrgiziledi. KQGQ boıynsha qolaısyz aýmaqtarda turatyn turǵyndardy qorǵaý maqsatynda 259 eldi meken aınalasyna sanıtarııalyq-qorǵanysh aımaǵy quryldy (kenege qarsy óńdeý júrgizildi)»,-delingen atalǵan mınıstrliktiń baspasóz qyzmeti taratqan málimette.
Sonymen qatar, KQGQ-nyń epıdemııalyq maýsymy jalǵasýda, sondyqtan turǵyndardyń bul ınfektsııany juqtyrý qaýpi saqtalýda.
